Bulla

Est aqua que bullit et ob hoc bene Bulla vocantur.

      Humani quantum bulla timoris habet.

Et Rogus inspirat saxis crepitantibus intus

      Sic locus ignito corda fragore mouet.

5

Quam metuenda magis tanto magis utilis egris,

      Si studeant in ea sepe lauare caput.

Et si forte caret quo possint membra lauari

      Alterius curant sumere fontis aquam.

Hec virtute loci prestat calefacta salutem:

10

      Luminis antidotum seu medicina potens

Hec caput emendat matricem purgat et inguen.

      Liberat et splen congrua purgat epar.