Foris cripte

Limpha foris cripte iuxta maris edita litus

      A stomacho pellit debilitatis onus.

Sed nocet ydropicis, cum sit dulcissima potu:

      Vim consumendi non habet, unde nocet

5

Leniter ignitos assueta refrigerat artus.

      Pulmonem lesum sanat et inde iecur.

Pectoris antidotum, tussis medicamen amicum.

      Desiccata febris caumate membra rigat

Ipsa per occultos telluris ducta meatus

10

      Subuenit egrotis est quibus egra cutis.

Vt dicunt veteres: satis est mirabile dictu.

      Ipsa foris cripte bulla ministrat aquam.