Bracula

Faucibus antidotum bene confert bracula Grossis.

      Et vox si fuerit rauca, fit apta sono.

Si patitur capitis puppis vel prora dolorem,

      Si dolet oppressum splene tumente iecur,

5

Si caligo diem, noctis germana, minorat,

      Omnibus hiis viciis bracula prestat opem.

Quartanam perimit; necnon necat amphimerinam,

      Hic intermisse febris origo perit.

Vos igitur, quibus est odiosa planetica febris,

10

      Huius, si sapitis, querite fontis opem.

Non opus est intrare semel; quia balnea quantum

      Quis magis ingreditur, tam magis ipsa Iuuant.