Pugillus

Cum maris unda tumet, tanti vacat unda pugilli

      Pro statione loci, tam breue nomen habet:

Est iter obliquum paruam quod ducit ad undam;

      Vix hominum septem creditur esse capax.

5

Ani tollit onus; ventrem cessare solutum

      Cogit et ydropicos attenuare potest.

Si patitur cum splene caput, cum frigore corpus

      Febrierit, certam senciet eger opem.

Quid de te referam, nimis admirande pugille,

10

      Quod proprio vidi lumine testor ego:

Aridus, usus aqua, baculis adiutus amicis,

      Discessit sanus non ope vectis egens.