Ista furore suo nunc se corrodit abintra

      Tristis anus, que me suppositare rogat.

"Spes mea dulcis," ait, "velis hic si figere membrum,

      Omnia que mea sunt, spes mea dulcis, habe!"

5

Ast ego, qui lutum vidi scabiemque fluentes

      Inguinis a fovea, talia verba movi:

"Si mihi - per nasum! - donares, marcida, montem,

      Nolo tui membro vulva sit aula meo.

Intus vidi eadem vexilla trementia centum,

10

      Mucida fila, picem, stercora mille capre

Milleque vermiculos, ranarum milia lectos,

      Saepe paludineis ut fore cernis aquis;

Milleque sanguinei volventes stercora rivi

      Inde fluunt, tandem est marcida vulva tibi."

15

Is ego non modicam subito stomachatus in iram

      Surgo "Pedem" dicens "accipe, tristis anus!"

Et sibi vulvali figo fetente caverna

      Et statim retraho protinus inde pedem.

Heu, heu, pes mihi totus olet totusque liquoris

20

      Calceus uber erat, solvere abinde rui.

Sed fugio; mirum: Tanta marcedine laxus

      Calceus a putrido concidit ipse pede

Et locus ille diu, quo concidit, hora propinquus

      Feda fuit nec pus cessit abinde pedi.

25

Quid facio? Fontem, quo numquam clarior alter,

      Accurro et latici quam cito subdo pedem.

Ecce aliud monstrum: Fons ille venustior <ante>,

      Omnibus excellens perdidit inde decus,

Namque ubi fontem compellavere propinqui

30

      Hactenus, est citra feda vocata palus.

Mirandum ecce aliud: manibus, quibus omnia lavi

      Feda pedis, mensem perstitit ille sapor

Neque minus stetit ille pedi post inde recessum

      Credere nec poteram stercora abesse mihi.

35

Vnde ego iuravi nullo peramare vetustam

      Tempore, que talis fercla saporis habent,

Sed solum teneris me cum gaudere puellis,

      Vt quarum prodit lacteus ore sapor.

Et si nunc omnes vetulas peramare iuvaret

40

      Rugosas, nobis nulla placebit anus.

Sic stomachum saturavit anus, sic feda palato

      Fercla tulit nostro, quod sibi semper ero

Vt vitulis et ipse lupus, velut anguibus alba

      Ibis amica, velut demonis ipse deus.

45

Di geminent vermes vulva culoque propinquo

      Delicium et merde crescat in ore tuo!