Item de Abraham

Interpretatur Abraham

Pater multarum gentium,

Qui sunt omnes Christiani

Vel Iudei vel pagani.

5

Sicut Adam nascentium

Pater est et morientium,

Sic Abraham omnium

Pater est resurgentium.

Sed ille non vivificat

10

Vllum umquam ut resurgat,

Sed Christus semen Abrahe

Iubet mortuos vivere.

Tamen dispares merito

Dispari donat premio

15

Stellas vocans superis,

Harenam mittens inferis.

Et quia Deus Abrahe

Factus est semen Abrahe,

Omnes quos vite generat

20

Semen Abrahe computat.

Libet autem intendere

Qualiter semen Abrahe

Sit qui de lumbis Abrahe

Non potuit procedere.

25

Lumbos carnis pater Christi

Nec nunc nec umquam habuit,

Qui non homo non hominem

Sed Deus Deum genuit.

Alter natus ab altero

30

Sed neuter prior altero

Qui finis absque termino

Vnum sunt cum Paraclito.

Misertus pater Dominus,

Quod homo fuit perditus

35

Huc in nostrum exilium

Pro servo misit filium.

Ad hoc ut quam non habuit

Carnem de carne sumeret,

Non ex alio semine

40

Nisi de sancti Abrahe.

Renes atque cor illius

Inflammans sancto Spiritu,

Carnis privans incendiis

Aptans Dei mysteriis.

45

In cuius sanctis renibus

Aridis quia senibus,

Semen nature mortuum

Fit iussu Dei vividum.

Ad procreandum filium

50

De Sara sibi genitum,

Quo semine sterilium

Plantatur virgo virginum.