De monte Hohenburc

Hoc in monte vivo fonte

Potantur ovicule,

Esum vite sine lite

Congestant apicule.

5

Nectar clarum scripturarum

Potant liberaliter,

Bibant, bibant, vivant, vivant

Omnes eternaliter.

Vultus harum lumen carum

10

Habent datum celitus,

Reginarum hos sanctarum

Credas esse penitus.

Genus tale speciale

Genus Christo proximum

15

Est commune tibi une

Fructum portans maximum.

Nevum nescit nam ignescit

Celibatus gloria,

Semper mentem gemiscentem

20

Dat sponsi memoria.

Illum spectat vis exspectat

Vt remoto speculo,

Bone spei faciei

Contempletur oculo.

25

Cetus iste nichil triste,

Nihil levum doleat,

Rectitudo, sanctitudo

Sempter hinc redoleat.

Aula Dei virginei

30

Chori sunt et thalamus,

Dictat namque sic utrumque

Cito scribens calamus.

Verus sponsus nunc absconsus,

In celi palacio,

35

Servet, regat, has protegat

Seculorum spacio.

Vt sodales virginales

Vivant sine crimine,

Sub Messya cum Maria,

40

Virgines cum virgine.