<Hi>nc ululansque lupus, rug<ens et v>ilis asellus

<Grun>niensque sues, raccan<s et pessima> tigris

<Nec non e>t catulus glatte<ns rumore reboant;>

<Gannit et> hic vul<pes et miccit hirsa capella.

5

Raucissonum cedat ast hic genus omne ferarum:

Nam philomela sonat, adequans quam olor aquescens>

Sicque pavus varie flavescens voce resultant.

Qui pennis rutilat fulvis et murice cicli

Specie formosa viget, qui pulcre venustus

10

Cantibus adplaudit gemmato sidere pinctus,

Cum teretes vibrant, mire dum explicat alas

Ac solis instar cauda dum pansa refulgit

Et peltes clarent lunato sidere tensi,

Dum verrit terram pulcer placideque decorus

15

Aut crispas relebat pandens per ordine rotas -

Lumine milleno splendunt hinc inde serene -,

Dum revoans melodum concentu plume volucres

Despicit et replicat crebro iterando camenas.

Ergo vos, cigni lautique decore pavones,

20

Cum suavi meatim philomela ducite carmen

Et pedibus metricis rithmi contemnite monstra,

Que - segnis herrans floxus - sic rancide sannas

Devio mugitu pangit, ut cantica turpet

Eclesie plevis, que semper fulgide claret.