Est tibi vana fides, non est dilectio perpes.

Qui fortis nomen tibi iunxit, perdidit omen.

Quid prodest nomen, si non retinebis honorem,

Nomine fulgebunt tali qui fortia querunt.

5

... † habere † potius sis amodo iure vocatus.

Nunc breviter dicam, cur hec enigmata solvam.

Cum tibi versiculos misi ratione politos,

Non mihi responsum curasti reddere dignum.

Istud nempe tue vicium successio culpe.

10

Sed mihi rescribi vetuit turbatio regni.

Tu solus pesti potuisses huic medicari.

Nec lorica tuum pectus protexit ineptum.

Ensis namque tuus multa ferrugine tectus

Et si percussit hostem, sine vulnere mansit.

15

At miror clipeum tua que ferret manus aptum.

Dextra, reor, timido nam convenit hoc bene sclavo.

Sed forsan dicis: deerat mihi nuntius omnis.

Que tibi porrexit mea scripta, tua mihi ferret,

Mittere si velles, vel si componere scires.