Ad amicam

Luna velut stellas, sic vincis, amica, puellas.

Mente tibi pura quare cupio bona plura.

Corde tibi puro, virgo, per numina iuro:

Ardet ut in lignis succensus maximus ignis,

5

Sic mea mens ardet. Moriar, si quod volo, tardet.

Me tuus ardet amor; transcendet ad ethera clamor,

Ni sanes mentem prote vulnus patientem.

Semper corde manes, decet, ut mea pectora sanes.

Des mihi, virgo, mori, si non concedis amori.

10

Pelle, precor, mortem, vitae serva mihi sortem.

Si valet hoc fieri, mea sis specialis amica;

Et decet et cupio, quod sis sub corde pudica.