Hic Genius studet in melius, ver gramine pictum

Eximio terrae gremio praesentat amictum.

Pullulat herbula, nuntiat aurula veris honorem;

Flosculus emicat et rosa praedicat orta teporem.

5

Fons vitreus, fons nectareus nova gramina florum

Vivificat, fovet, amplificat spiramen odorum.

Non spoliat, non depretiat rigor hostis iniquus

Temperiem, retinet speciem flos veris amicus.