Pro rivale timens rivalis apocopat ictus

      Et merita fediens mentula messe caret.

Rufinum coitus meretricis inebriat, immo

      Lumina lippa lupae turpis inescat amor.

5

Dum dominatur amor, virtus exorbitat, aegra

      Mendicat ratio, lex sine lege iacet.

Hypocritae phalerant sub pietate malum.

Intumulat pallor divitis oris opes.

Intimat ira nocens exitiale nefas.

10

Auxiliare sibi doctus amicat opus.

Insimulat falso crimine scurra virum.

<>

Criminibus falsis insimulasse virum.

Alterat humanos sors malefida status.

15

Virginis optatae foedus adoptat amans.

Illaqueat victrix libera colla Venus.

Arte placet species ornata: placere laborans

      Crines intricat crinibus aeger amans.

Importat damni significata dolor.

20

Sordidat egregium rufa loquela decus.

Pollicitum sacro mancipat alma fides.

Morbitat incautos aeris aegra lues.

Arbitrium proles emancipat impia, patre

      Functo gaudet opes dilapidare patris.

25

Malleat innocuam victima sacra bovem.

Anticipant iustos Caesaris arma dies.

<>

Versificatoris scema venustat opus.

Militat in pateris Windocinense genus.

30

Vsurpat doctas mens inhonesta vices.

Quod complere nequis primitiare cave.

Primitiat cupidus regna pudoris amans

Auribus instillat dogmata lingua docens.

Heredem nocuum patris honestat honor.

35

Palpitat in rufo rufa colore fides.

Vendicat insidians regna decoris amor.

Patrissare sitit degenerare negans.

Rufinus mecum syllabicare timet.

Thaida Rufinus iactitat esse suam.

40

Dimicat opposita cum ratione Venus.

Clunicat et reprimens confoederat histrio clunes

      Clunibus, oppressa Thaide claustra gemunt.

Quamvis virgineo decor ore perendinat, aetas

      Florida deflorat depretiatque rosam.

45

Lingua loquax reticenda refert, eliminat, edit

      Quod cupit archana sedulitate tegi.

<>

<>

<>

50

Enervat studium pernitiosa Venus.

Fascinat invidiae spiritus omne bonum.

<>

<>

Appropriare sitit fur aliena sibi.

55

Furta loquax vultus enucleare solet.

Fimbriat egregium lingua maligna decus.

Lenonis nocuum virgo cachinnat opus.