<>

      Nec sterilis fraudat semina messe labor.

Tercia iam sensum primos subridet in ortus

      Erumpens tenebris semisepulta dies.

5

Lux perit, umbra perit, pereunt sibi sic sub utroque

      Nescio qua specie pallet imago duum.

Oppositis uicibus horum commercia pugnant

      Transit in alterutrum neuter uterque color.

Lux noua iure nouo uerso preit ordine solem,

10

      Et stupet in tenebris anticipata dies.

Nescia nocte premi uicibusque obnoxia nullis

      Lux radio signat splendidiore solum.

Corporis indicium sacri pia conperit urbis

      Sedulitas, petitur indice sole locus.

15

Precipitat mens prona moras, nec deside motu

      Pectoris infirmat gaudia lenta manus.

Solatur, canit, examinat, mens gaudia uotis,

      Lingua deum precibus, dextra ligone solum.

Sic mens, lingua, manus, suspirat, adorat, anhelat,

20

      Mens uotis, precibus lingua, ligone manus.

Hispida pugnat hyemps rigidasque seuerius iras

      Asperat, ingentis turbinis arma mouens.

Sed noua lex rerum confundit federa, metas

      Egreditur, quassat iura relinquit iter.

25

Desipiens natura stupet, confusa queruntur

      Tempora, prescriptas dedidicisse uices,

Bruma peregrino natiua resoluitur estu,

      Conciliat mestum gracior aura Iouem.

Detergens brume scabiem torpore soluto

30

      Blandior indulget gracia ueris opes.

Sub brume senio lasciuit uerna iuuentus,

      Estiuumque diem uerna resoluit hyemps.

Castigat Boream domitoque rigore relegans

      Mitis adulatur flamina blanda tepor.

35

Arboribus suus instat honor, festiuat agellum

      Purpura, luxuriat uernus ubique decor.

Cespis amat uiolas, gemmas spineta resoluunt,

      Ardua succingit lilia canna uirens.

Picta loci facies, zephiri spiramina, florum

40

      <>

<>

      <>

<>

      Exequitur plebis officiosa manus.

45

Nescio quo noua temperies mellita sapore

      Funditur, irrigui nectaris instar habens.

Exit in affines populos nimioque stupore

      Nescio quid nouitas predicat ista nouum.

Confluit orbis, opem uestigat odoris in auras,

50

      Sectaturque nouum nectar hanela sitis.

His stimulis sacri studium certaminis instat,

      Hoc pietas calcar religionis habet.

Militis ergo sacri populus monimenta reportat,

      Votiua celebrans simplicitate preces.

55

Iste labore carens labor est, sine pondere pondus

      Fertur, honos honeris pensat honoris honus.

Tum pompa celebri pia turba triumphat, agonis

      Gloria nudato cespite uestit iter.

Summa manus claudis uia, uox mutis, ualor egris

60

      Militat et sepelit nominis umbra malum.

Fama fidem titulis dignoque fauore coronat,

      Et meritum populo teste perorat honor.