In mediis reor esse bonis, quod carpere dotes

      Musca suas certat, collaterale malum.

Proh pudor ecce scelus, ratio sopita fauillis

      Luxurie nescit sobrietatis iter.

5

Luxurie stimulis cruciatur musca, nouerca

      Mundicie, uiciis dedita, feda lues.

Que rudis artificem, studiosam noxia, doctam

      Insensata, probam perniciosa premit.

Quo precio precium reprobat, qua dote superbit,

10

      Qua uirtute tumet, qua ratione preit?

Cuius delicie fex, aula coquina, cloaca

      Triclinium, stercus esca, cadauer opes.

Quoque uigente sapor mentitur, gratia fallit,

      Marcet honor, precium sordet, acescit odor.

15

Que sibi primicias libans a stercore quouis

      Aque cadaueribus feda tributa capit.

Sarcina dedecoris dampno preponderat, audet

      Dum precium tabes depreciare meum.

Sim licet informis, sensus mihi fama perorat,

20

      Et redimit uicium corporis artis honor.

Mentis enim grauitas mihi dat preconia, sensus

      Predicat, attribuit fama, propinat odor.

Mentis opes stupet egra cutis, stupet area messes,

      Nux nucleum, cortex robora, grana seges.

25

Vrtice tegit umbra rosam, splendoris obumbrat

      Delicias nubis exterioris hyemps.

Vmbra nocens denigrat ebur, meliorque sophista

      Vultu, sub fragili cortice spirat odor.

Specto furis, studeo consumis, posco ligurris,

30

      Stertis eo, frangis fabrico, texo fugis.

Volueris edifico, scio nescis, machinor erras,

      <>

Ergo ream iudex reprimat, ne noxia pestis

      Audeat humanum mortificare genus.

35

Liuor sorte dolet ridente, propheta doloris

      Contrahit ex uisa prosperitate crucem.

Proh dolor in uetitum rabies exuberat, arma

      Protrahit in precium depreciata lues.

In mea dampna nocens presumit aranea, pestis

40

      Noxia, pernicies pessima, tabe tumens.

Fex strumosa, grauis, mala, peior, pessima, uisu

      Horrida, contactu feda, magistra necis.

Nature uicium, sed larua, sed ira deorum

      Aut infernalis impietatis opus.

45

Filia Thesiphones neptisque pudenda Megere

      Tartareos simili peste prophetat auos.

Vas immundicie, truncus deformis, in aluo

      <>

Eructat letale malum, defundit in usum

50

      Funeris, unde perit Claudius, unde Cato.

Noxia forma truces animas prenosticat, extra

      Intima se nescit dissimulare lues.

Presidet ad plenum mea summa potentia, sola

      Regales soleo primiciare dapes.

55

Mel uarias mihi fundit opes, mihi ridet in auro

      Bachus adulterio non reprobatus aque.

Basia dat regina mihi, mihi nectar odorem,

      Fulchra thorum, sedem purpura, ...

Florida pregusto, prelibo roseta labelli

60

      Virginei, colli lilia, frontis ebur.

Glorior horrescis, pendes uolo, gaudeo meres,

      Regno gemis, torpes cursito, poto sitis.

Ergo premat nocuam discretio uestra, nocentes

      Expedit exicio perdicione premi.

65

Litera uix reptans de uena paupere dotes

      Pectoris examen iudiciale timet.

Mendicat metri series ieiuna coloris,

      Expers artis, egens schemate, nuda tropis.

Pigmee modulus nature uocis in usum

70

      Prouecte puerum luxuriare uetat.

Mens preit etatem, tenero preponderat euo

      Sensus et amplificat quod minus esse potest.

Cortice de tenero mens spirat adulta, patronum

      In puero reddet, in leuitate statum.