Secundum hec sollempnizemus

Et deuoti honoremus

Summa diligentia,

A quo sunt innumerorum

5

Peracta miraculorum

Stupenda insignia,

Que ob assiduitatem

Nec non multiplicitatem

Vix sunt in memoria.

10

Vnde cuncta hec scribere

Atque posteris tradere

Neglexit desidia;

At si scripta haberentur,

Apocrypha putarentur

15

Et incredibilia.

Satis decet, vt lucerna,

Quam illustrat lux superna,

Fulgeat in publicum.

Sydus sole venustatum

20

Non sit nube nubilatum,

Sed dilatet radium.

Si que sit in ceno sita,

Subleuetur margarita,

Loco cedens debito.

25

Flos de rubo sequestretur,

Et sincere segregetur

Frumentum de lolio.

Martyr Christi, Rex Kanute,

Mira rutilans virtute,

30

Nostra rege carmina!

Stilus aret, sensus hebet,

Lingua procax tua debet

Promere prodigia.