Hinc etiam monachis iam tum Fuldensibus haerens

Moribus atque habitu vitae caelestis amore

Succensus, cum consilio fratrumque patrisque

Iungitur ac nitidis Christi succingitur armis,

5

Signifer intrepidus Christi tutamine fretus.

Fit comes interea patris fidusque minister,

Prospere cuncta gerens, supplex oracula cuius

Saepius una cum senibus spatiatur ad alta;

Saepe etiam ante omnes multa exspectante caterva

10

Iussus iura dabat, iterumque infanda vetabat,

Ac magna ingenii quaeque discreverat arte,

Tempore non alio, meritis et dogmate clarus,

Felix patre satus quondam felicibus annis,

Aegil hoc sortitus erat baptismate nomen.

15

Fungi promeruit ab Lullo praesule sacro

Presbyter infestis mundi direptus ab undis.