Haec ubi dicta essent, verrat fraterna potestas

Fratres ac socios proprio de corpore lectos,

Qui cum patre simul noviter seniore recepto

Regis ad eximii super hoc decreta recurrant.

5

His quoque compositis pergunt; comitatur Aaron

Primus ab his, misit sollers quos regia cura

Ad nostrum commune bonum sub tempore, quo nos

Improbus atque minax demum furialibus ausis

Monoceros iam cessavit terrere fugaces.

10

Solibus hinc etiam nonnullis rite relectis,

Venit ad occidua haec eadem legatio rura,

Caesaris antiqui supplex oracula poscens.

Tum namque occiduus monachus et presbyter alti

Regis ad aspectum prior invitatus Aaron

15

Progreditur, causasque viae fratresque venisse

Fuldenses humili coram sermone patenter

Rege aperit atque ante fores astare reclusit.

Quos cum pro foribus Caesar praesensit, ut intrent

Dicitur, at senior, fratrum stipante caterva,

20

Intrans, procidit ad genua, genibusque volutans

Vna cum sociis vultum regnantis honorat.

Nec mora continuo, dextra innuit ipse nitenti

Atque astare iubet, prior et sic incipit ipse:

"O nati fratresque mei lectique parentes,

25

Spes patriae, nostrique decus et gloria regni,

Vos horrenda nimis ante discrimina pestis

Letiferae urgebant, saltim nunc eruta corda

Erigite, maestumque metum secludite; vestra

Regula quod doceat, intento corde tenete.

30

Ipsa est porta atque arcta via, quae ducit ad alta

Regna poli; contendite nunc intrare per illam,

Vt per eam modo currentes veniatis ad illum,

Qui vos de tenebris miserans et carcere caeco

Non meritis produxit in admirabile lumen.

35

Currite nunc fratres, vitae dum lumen habetis,

Neu tenebrae vos praeripiant, ante omnia pacem,

Veram pacem, inquam, sine qua nec munus ad altar

Proficit adlatum, neque enim possessio quemquam

Pauperibus profusa iuvat, nec martyr ab alto

40

Iudice dona tulit umquam, servate monebo."

Haec dicens aliaque simul longo ordine multa,

"Quem vobis optastis", ait, "producite patrem,

Fratres"; canitie subito conspersus Aeigil

Porgitur in medium constanti mente vetustus;

45

Regis ad imperium propius processerat ultra

Progrediens. Quem ut conspexit rex arduus infit:

"Istene pastor adest, quem omnis Concordia fratrum

Concors provehit atque probat uno ore canoro?" At

Regis suppliciter pauca legatio fratrum:

50

"Iste est, o bone rex, nunc inclinata recumbit

In te summa eadem, tantum decerne tenendum, o

Spes nostra nostraeque decus et gloria vitae."