De vespertilione et omnibus animalibus

Fallacem curat semper uel nemo bilinguem.

Doctiloque fantur fame nunc labra uetusta,

Quadrupe quod dudum tunc pugnans omne pecultum

Horrida ferrigeri gessit iam murmura martis

5

Cum uario omnigene bellantis milite penne,

Qui summum tranat conscendens aera pennis.

Sic Mauors turmas durus surrexerit inter,

Multis mortiferam ut saucis patefecerit urnam.

Plumigeris uespertilio adstans milibus unus,

10

Quod bellax acies surgens durauerat atrox,

Tamdiu se fallax tenuit sub tegmine tuto,

Quamdiu mars dirus binis errabat in armis,

Ac felix sciret, parti fortuna triumphum

Cui daret ethereo regnans per secula sessu,

15

Vt forti demum turme tunc mixtus adesset.

Quadrupedum cernens multum sic agmina plura

Bis binis socium plantis se milibus affert.

Censebat uirtus fuerat quod milite multo.

Sed, uolitante aquila citius ueniente repente,

20

Pennigeri superant cunei certamina martis,

Quadrupedumque cohors uertebat terga redacta,

Ac uarie uolucrum plebes sumpsere tropheum.

Hoc iterum uespertilio hausit pectore fallens:

Ramosis agilis uertam nunc coetibus ale,

25

Ollis auriferam tribuit quod pugna coronam.

Prepitibus cursim pennis se miscuit illis.

Agmina bis bine plante inter pace peracta

Aera tranantem uolucrum pennisque cohortem,

Tunc uespertilio est auium damnatus ab ore,

30

Vt semper fugeret titania sidera lucis,

Viueret ac nigro fuscantis tegmine noctis,

Atque esset nudus uolitans sic corpore semper,

Nec paruo plumas portans uel uiscere pennas.

Sic luat horrisonas semper per secula penas,

35

Qui procerem dominumque suum cunctosque parentes

Infaustis spernat linquens trepidisque diebus.