Magnus Romane regnator Romulus urbis,

Pacificam gnato Tiberino mitto salutem.

Argolicus gnari prodens time Esopus arui,

Argutis docuit quem tellus Attica causis,

5

Greco hunc primum scripsit iam famine biblum.

Discipulos optans cautos ex fatibus esse,

Aligere sumpsit nam scriptor agalmata turme

Ac timide turbe currentis lustra uirecta,

Ramose necnon silue pecudisque loquentis,

10

Fabula cur homines doceat per talia facta.

Docticana apposuit falsis nam uera nefandis,

Obprobriique malis hic fingens ora bonorum;

Et firmos docuit humiles per tempora factos,

Atque cauenda putat dictis iam famina blandis,

15

Horrisonis semper plus quam nunc aspera uerbis.

Naturis rerum uariis sic dogmata traxit,

Ceu examen campis apium nunc congregat aluis,

Saltibus aut nemorum carpens nunc mella corusca.

Romuleum in regnum Greco sermone redacto,

20

Hec, Tyberine, tibi, gnate, transferre uolebam,

Vtilitas animi sistat ut tempore semper

Doctiferaque simul scrutantis metere cartis.