De leone a mure sucitato

Insontem aut ledat non firmum numine nemo

Librorum nobis dictat nunc sermo uetustus.

Muribus incaute ludens agrestibus unus,

Quod mus somniferum euigilat lesitque leonem,

5

Suscitat; ac lecto surgens leo turbidus arsit,

Ac tremulum sequitur murem; tunc felle refertur.

Ignifero ueniam supplex captusque leone

Atque dari poscit mus, tunc sibi corde redactus,

Testificansque suo crimen non uelle peregit,

10

Ac sceleris seriem fatur tunc ordine recto;

Ast inter miseros cepit cum ludere mures,

Inscius incurrit lecto stratoque leonis.

Tunc leo percogitans scrutatus mente sacerna

Quid muri faceret clamanti uocibus egris,

15

Nec fame laudes, orco si traderet, essent,

Pomposa aut uirtus martis uel gloria nulla,

Horrida setque forent sibi forti obprobria regi,

Si muri stigeam misero patefecerit urnam,

Ignoscit demum culpe peccamina muri:

20

Concessit se antris tremulo aut tunc abdere siluis.

Territus ac trepidans mus sic currebat ad arua.

Ast leo, post soles paucas, idem inscius altam

Discipulam quandam currens, iam calle subintrat.

Per puteum humana se cernens arte retentum,

25

Horrisonis auidi clamat tunc flatibus oris,

Auxilium indomitis poscens ex cetibus arui.

Pernicibusque sonum tremulum perceperit ut mus

Predictus, cupidis concurrit gressibus ante

Agmina siluosi nemoris saltusque ferina,

30

Infausti ut sciret fuerat que causa leonis.

Cum leo currentem murrem passibus imis

Pacificisque rogans conspexit uocibus illum,

Narrauitque sui olli iam causa capiendi.

Tunc mus fraternis consortans faucibus infit:

35

Nil est quod timeas, rex presulque ferarum;

En liber cassu fueris hoc corporis omni,

Par munusque tibi constat me reddere digno,

Prestabasque mee luci quod tempore prisco,

Inmemor atque tui dudum non sum benefacti.

40

Finitis artes cepit mus querere dictis

Cunctas, que possunt illum dissoluere uinclo.

Per lucos currit, saltus ac uaria lustra,

Ac mures uocitat caros turmasque ferinas,

Auxilium poterunt capio si ferre leoni.

45

Tunc leo ........ mures ac carpere terram,

Dentibus atque lacum replentes unguibus imum,

Ingeniis artem ac laxantes robore miram,

Quam indigene patrarunt, cum turbaque ferarum

Ceperunt; captum soluunt sic arte leonem,

50

Cogunt ac laxum ...... montibus altis,

Ac grates muri reddit per munera lingue.

Despiciat nullus paruum sic corpore fortis;

Digna refert meritis facti nam docta uoluntas.