Attendentes insule, de longe uenite,

Et Esopi fabulas uigiles audite,

Que sunt per metaphoram recitate rite;

Vos qui sermones nostros non uultis, abite.

5

Hic inducens bestias, uoluit monstrare

Fraudes mundi uarias; cepit explicare

Quot et quas uersucias oportet uitare

Hi qui proponunt directo calle meare.

Iam te cuncti poscimus, Pater, pacis dator,

10

Sic et te, Paraclite, pie consolator;

Trinitatis medie Ihesu legislator,

Huius sis operis finis, caput et mediator.