De simia et vulpe

Turpis quondam Symia Vulpi supplicauit

Pro caude particula, dicens quod optauit

Nates nudas tegere, quas pudens portauit;

Sed Vulpes misere poscenti cuncta negauit.

5

Ait Vulpi Symia: Multum pregauaris

Caude lo[n]gitudine, dum currens uagaris;

Obsecro particulam michi largiaris,

Vt velox factus currens cicius mouearis.

Cui Vulpes: Hoc utinam tanto longaretur,

10

Vt pre magnitudine vix subleuaretur,

Et tam grossa fieret quod vix portaretur!

Quamuis sic esset, tibi pars hinc nulla daretur.

Hic auaros increpat multa possidentes,

Ditatos superfluis, nichil largientes;

15

Nec gazarum copia fouent indigentes;

Sed, cum plus habeant, tanto sunt plus cupientes.