De meretrice

Impudica Meretrix nuper exardebat

In amorem iuuenum quos decipiebat;

Sed vnum pre ceteris plus alliciebat,

Quem uerbis fedis et litibus afficiebat.

5

O quantis iniuriis ipsum fatigauit,

Et plena perfidia pactum non seruauit,

Ore fidem menciens quam corde negauit,

Et ficte ficta signum pacis simulauit!

Quam memor iniurie Iuuenis affatur,

10

Et eam karissimam sibi protestatur,

Non quod fides mutua firme teneatur,

Sed simulatus amor fallax utrimque probatur.

Hec probat historia notas simultatis,

Quod doli sub specie latent pietatis;

15

In dilectis defecit lex securitatis;

Nusquam tuta fides, nusquam loca prosperitatis.