De columbis elegentibus sibi regem

Columbe mitissime nuper elegerunt

Miluum sibi principem, quem prius fugerunt

Hostem crudelissimum; sed penituerunt;

Nam collis propriis stolide iuga dura dederunt.

5

Qui, cum super simplices uidit se regnare,

Instat multo seuius illas deuorare.

Nitens pene nomine leges simulare,

Proponit, cunctas sub tali fraude necare.

Ex his, vna iudicat melius fuisse

10

Eas Milui rabiem priscam pertulisse

Quam sub eius legibus sic occubuisse,

Lugentes tali se sub pastore stetisse.

Hic explanat principum rabiem prauorum,

Qui premunt malicia colla subditorum;

15

Nam, dum subsunt simplices legi tyrannorum,

Lex ruit, ordo perit, uirtus decrescit eorum.