Item de avibus

Aues uerno tempore dudum conuenerunt

Et sonoris uocibus cantus ediderunt;

Que Virum cum uirgulis uiscatis uiderunt;

Sed fatue nullam penitus fraudem timuerunt.

5

Tunc vna mitissima cepit proclamare:

Virum pium uideo nobis preparare

Vias, nostri miserens, et luget amare,

Nobis compaciens; sic nos se monstrat amare.

Sed vna pre ceteris prudens habebatur;

10

Dicens quod insidias hic uir machinatur,

Fugam monet; sed eius uox non acceptatur.

Denique queque ruunt; indempnis sola moratur.

Hic docti consilium monet acceptare,

Per quod uite ualeas dampna deuitare.

15

Si prudentis dogmata non uis auscultare,

Rem stultam facies et eris stultissimus a re.