De animalibus regem cupientibus

Nuper animalia cuncta conuenere,

Regem cupientia sibi presidere;

Hinc Iouem, sollicitant et preces fudere.

Iupiter annuit his cupiens ad uota fauere.

5

Dvm tractant de principe, Leo postulatur

Rex illis constitui, si fides prestatur

Quod ferox non inperet; ille protestatur

Se cunctis humilem fieri. Sic regna lucratur.

En, ut rex statuitur, cepit effrenari

10

Et mox suis subditis dolos machinari.

Cepit eos abditis locis sciscitari,

Carnibus innocuis cupiens semper saciari.

Singillatim singuli[s] dolos opponebat,

Quis morbus, que grauitas, illos extorquebat;

15

Egros et incolumes omnes occidebat;

Trux, nulli parcens, omnes iugulare uolebat.

Sic demum cum bestias plurimas necauit,

E locis absconditis Simiam uocauit,

Statum querens corporis; ille nimis pauit:

20

Fraude dolum simulans, caute responsa parauit.

Tuus, inquit, [h]alitus, o Leo, discessit,

Velut nardus piscua, cum fragrans, olescit.

Blandis Leo laudibus linitus nutescit

Ad modicum, sed post eius pro carne macrescit.

25

Leo morbum simulat: medici uocantur;

Morbum non reperiunt, cum neruos scrutantur;

Insuetos sumere cibos hunc hortantur,

Quales posse suum morbum sanare putantur.

Ait Leo: Simie carnibus sanari

30

Estimo; sed uereor crudelis uocari.

Illi dicunt licite talia patrari;

Simia cum reliquis profertur iussa necari.

Hic subiectos innuit multas sustinere

Penas et iniurias, loqui nec audere;

35

Sed oppressi nequeunt quandoque silere;

Nam laquei pena tormenta nequit reticere.