De mula et musca

Mula rapit cursum; nam Mulam mulio cogit.

      Mule Musca nocet vulnere sine minis:

Cur pede sopito cursum tempusque moraris?

      Te premo, te pungo; pessima, curre leuis.

5

Mula refert: Quia magna tonas, uis magna uideri;

      Nec tua facta nocent, nec tua uerba michi;

Nec te sustineo, sed eum, quem sustinet axis,

      Qui mea frena tenet, qui mea terga ferit.

Audet in audacem timidus, fortique minatur

10

      Debilis, audenti cum uidet esse locum.