Vt iuuet, ut prosit, conatur pagina presens:

      Dulcius arrident seria picta iocis.

Ortulus iste parit fructum cum flore, fauorem

      Flos et fructus emunt; hic nitet, ille sapit.

5

Si fructus plus flore placet, fructum lege; si flos

      Plus fructu, florem; si duo, carpe duo.

Ne mihi torpentem sopiret inhertia sensum,

      In quo peruigilet, mens mea mouit opus.

Vt messis pretium de uili surgat agello,

10

      Verbula sicca, Deus, complue rore tuo.

Verborum leuitas morum fert pondus honestum,

      Vt nucleum celat arida testa bonum.