De terra et mure

Terra tumet; tumor ille gemit, gemitusque fatetur

      Partum; pene perit sexus uterque metu.

Cum timeat Tellus, mo[n]strat se mo[n]stra daturam;

      Dicunt et trepidant, et prope stare timent.

5

In risum timor ille redit; nam turgida murem

      Terra parit: iocus est quod timor ante fuit.

Sepe minus faciunt homines, qui magna minantur;

      Sepe gerit nimios causa pusilla metus.