De simia et vulpe

Simia de turpi queritur nate; porrigit aurem

      Vulpes, non recipit mente, sed aure, preces.

Simia sic fatur: Natis ut michi dedecus ornet,

      Sufficeret caude pars michi parua tue.

5

Quid prodest nimia campos insculpere cauda?

      Quod mihi prodesset, est tibi pondus iners.

Illa refert: Nimio dampnas de pondere caudam;

      Est breuis estque leuis; hec duo dampna queror.

Malo uerrat humum, quam sit tibi causa pudoris,

10

      Quam tegat immundas res bene munda nates.

Id minimum minimoque minus ditaret egenum,

      Quod minimum minimo credis, auare, minus.