Soluamus Christo debita sollemnitatis gaudia,

Qui patris sancti merita digna decorat gloria.

Virtute patientie dei repletus munere

Vigiliis, ieiuniis artus domabat corporis.

5

Et pro celesti patria carnis abegit turpia,

Mundana vicit gaudia, eterna querens premia.

Ipse dignetur dominum precari clementissimum,

Vt ab eternis ignibus nos saluet et demonibus.

Dona, creator omnium, laus decus confitentium,

10

Vt huius sancti precibus celi iungamur ciuibus.

Presta, pater, per filium etc.