De leone et vulpe

Languorem simulans Leo decubat; inscia fraudis

      Ad regem properat subdita turba suum;

Dumque parant egro solacia, perfida predam

      Vis agit et tacite cedis in arma ruit.

5

Pre fore stat Vulpes. Leo cur non ingrediatur

      Querit. Querenti talibus usa datur:

Da ueniam, quia me terrent uestigia, que te

      Aduersum spectant omnia, nulla retro.

Bellua multorum caput es. Sed cur, precor, horum

10

      Nullum quod cepit hospitis aula redit?

Proderit ergo magis fictis non credere uerbis,

      Quam caput ecce tuum tam cumulet capita.

Sepe potens inopem in fraude, minus sapientem

      Callidus excepit; sepe fides nocuit.