Antiphonae super Magnificat

Aue martyr, dux Danorum,

Aue, decus Dacie!

Cura causas sauciorum,

Cum sis pignus gracie!

5

In nostra serie

Factis, uerbis te sequamur

Et cum mentis acie,

Ne in limo infigamur

Vel labamur glacie

10

Vallis miserie;

Set te duce mundo calle

Transeamus de hac ualle

Ad superna et eterna gaudia.

Alter

Aue martyr, dux Danorum,

15

Canute, qui proditorum

Armis seuis nectus es!

Nos expertes peccatorum

Hinc ad regna fac polorum

Scandere, quo vectus es!

Antiphona super psalmos

20

Aue, martyr gloriose!

Aue, sydus iam celeste,

Decorans, Kanute, celum!

Nos guberna uisens humum,

Quo letemur triumphantes,

25

Te patronum uenerantes!

Antiphona super Magnificat

Pie pastor et patrone,

Nos conforta in agone

Vite transitorie,

Vt in hac migracione

30

Nos non priuet spe corone

Amor uane glorie!

Tu euelle et expelle

Vetustatis uicium,

Ne procelle nos nouelle

35

Trahant ad supplicium!

Inuitatorium

Veni, turba fidelium! dei adora filium,

Qui sanctum pro uictoria eterna ditat gloria!