De oblacione Iesu in templo

Est Iesus oblatus simul et turtur geminatus,

Per quem signatus pudor est vel amor duplicatus.

More pii regis, quamvis non lege ligatus,

Iussa tenet legis, legi parere paratus.

5

Anna prophetissa clamans non voce remissa

Christum cognovit, que caste vivere vovit.

Iustus letatur, Dominum tenet et veneratur,

      Portans portatur et dator ipse datur.