De conversione aque in vinum

Mira Dei gesta, que passim sunt manifesta,

Gaudens, non mesta, mens admiretur honesta.

Coniugii morem licitumque probavit amorem

In vini rorem laticis mutando liquorem.

5

Christus, lux hominum, quemcumque iuvans peregrinum

Fecit aquam vinum faciens ex igne caminum.

Pellens pallorem, sapidum tribuendo ruborem,

Nostrum torporem fuget almum dando calorem.

Qui cum patre vacas, lateris quem vulnere placas,

10

Nostre mentis aquas in vinum transfer opacas!

Nostros carnales animos fac spirituales,

      Tu qui mortales perpetuare vales!