Pre amoris taedio

Vulneror in medio

Cordis mei telo,

Quatior naufragio,

Quassa rate, velo.

Aura spirans gratiae,

O puella facie

Rutilans decora,

Me amantem respice

Non tardanti mora.

Amoris transitio

Me donat exitio,

Cor cremat scintilla,

Quam si non extinxeris,

Cor erit favilla.

Vultus tuus urget me,

Visus tuus ligat me

Miserum frequenter,

Amor tuus urit me

Indeficienter.

Ergo puella dulcissima,

Cum sis formosissima,

Adhuc in hac cella

Me egenum eripe

De ferventi procella.