Quam pulchra nitet facie

Quae cordis trahit intima,

Haec est, de cuius specie

Omnis amans dat plurima

5

Cum fletibus suspiria;

Haec processit de regia

Prole, maxima

Dat haec et auffert gaudia,

Haec est quae caret macula.

10

Totaliter venenea

Ob hoc amoris iacula

Traiecit in mea viscera.

Qua propter langueo,

Quod promere erubeo,

15

Si non exero, eius igne exardeo.

Scio quod igniferos

Dolores fero sedule.

Si non exoro superos

Altitonum cum Hercule,

20

Et Iunonem cum Pallade

Et Helenam cum Venere,

Non prospere

Hanc me continget vincere.