1

Floret tellus floribus,

Variis coloribus,

Floret et cum gramine.

Vacent iam amoribus

Iuvenes cum moribus

Vario solamine.

2

Venus assit omnibus

Ad eam clamantibus,

Assit cum Cupidine,

Assit iam iuvenibus

Iuvamen poscentibus;

Vt prosint his dominae.

3

Venus quae est et erat,

Tela sua proferat

Iam amantes puellas.

Quae amantes vulnerat,

Iuvenes non conterat

Nec pulchras domicellas.