Lude, ludat, ludite!

Iocantes nunc audite,

Quos praesentis gaudia

Demulcent laeta vitae:

Histrio per tesseras,

Clericus amplexibus

Deludat horas rite.

Amor est iam suavibus

Canendus melodiis,

Qui non tardet gravibus

Detentus omeliis.

Spondeat puellula

Florans quasi rosula

Verbis devicta piis.

Dicat ita faciam

Nil deneget rogata,

Non viri notitiam

Rimetur praenotata,

Faciat quod petitur;

Quod precibus negligitur

Praestet virgo laudata.