1

Hospes laudatur,

Si abunde datur,

Vt bene bibatur,

Et hoc propere.

Deu sal sit vobiscum, o pecharie!

Modo bibite, sortes apponite!

2

Locus est genialis,

Vbi potus est venalis,

Quem vendit socialis

Nobis femina.

3

Pincerna tunc laetatur,

Abunde propinatur

De vino meliori

Atque leniori

Et hoc propere.

4

Bachus ad amorem

Instigat iuniorem

Mente rigidiorem,

Et hoc propere.

5

Hic est locus annalis

Festumque natalis,

Vbi liberalis

Est ista regula.

6

Cum ergo salutamus

Vinum, tunc cantamus

Te deum laudamus,

Et hoc propere.

7

Nos qui propinamus,

Et vina portamus,

Prius non bibamus,

Donec dicamus:

8

Bachus est suavis,

Fit tamen saepe gravis

Bibentibus incaute

Ac inmoderate.

9

Proinde non omittatur,

Sed lautius bibatur!

Dignius iam mittatur

Et hoc propere.

10

Ergo nos ludamus.

Sortes proiciamus.

Laetanter bibamus,

Et hoc propere!