1

Tessera blandita fueras mihi, quando tenebam.

Tessera perfida, concava, res mala tessera grandis.

2

Tessera materies est omnis perditionis,

Tessera deponit hominem summae rationis.

3

Sunt comites ludi mendacia, iurgia, nudi,

Rara fides, furta, macies, substantia curta.

4

Hi tres ecce canes segnes, celeres et inanes

Sunt mea spes, quia dant mihi res et multiplicant aes,

Pignora cum nummis, cum castris praedia summis

Venantur, te praedantur, mihi sic famulantur.