Vt valeas, vigeas, optime prolis,

Dicta conscripta a me tibi directa

Legere ne pigeat: invenias facile

Placida tibi.

5

Est vivos sermo dei: illum perquire;

Diligentius sacram disce doctrinam:

Mens etenim tua repletur gaudiis

Magnis per saecla.

Rex immensus et fortis, clarus et pius,

10

Dignetur per cuncta tuam nutriri mentem,

Iuvenilis puer, protegat, defendat

Omnibus horis.

Sis namque tu humilis mente et castus

Corpore, pronus in servitiis abtis,

15

Magnis et minimis omnibus, ut vales,

Flectere frequens:

In primis dominum deum ex toto corde

Et mente, totis viribus pansis

Time et dilige, genitorem tuum

20

Inde per cuncta.

† Almificum genitum prole exortum

Genus adcrescens parentum prosapie

Refulgens ex magnis, illi adsidue

Servire ne pigeat.

25

Dilige obtimates magnos in aulam,

Conspice primos, coequa te humilibus,

Iunge benivolis, superbis et improbis

Cave ne flectas.

Veros sacrorum digni iuris ministros,

30

Praesules dignos honora semper,

Altarium custodibus tensas manus ubique

Simplex comenda.

Viduis et pupillis subleva frequens,

Et peregrinis victum potumque largire,

35

Para hospitia, nudis namque vestitum

Porrige manum.

Iustus in causas iudex valens adesto,

Munus a manu non accipias umquam,

Nec opprimas quemquam; retribuet enim

40

Tibi largitor.

Largus in donis, semper vigil et prudens,

Omnium onus amabili nisu

Adimere gaudens: sacies etenim

Haec manebit tibi.

45

Huc et illuc compensor: unus est dator,

Meritis reddens singulorum prae factis,

Verbis et operi tribuens obtima:

Caelorum sidus.

En ut curas habeas, nobilis nate,

50

Solers perquire; pigeat ne tibi tantarum

<>

Despice piras.

Licet iuventus tua florida viret,

Quadrans quaternis computaris in annis,

55

Senioribus teneris membris gradiens

Cursu peragrans.

Multum a me videtur longior esse,

Cernere volens tuae speciei tenorem,

Si daretur virtus; attamen ad haec merita

60

Non mea vigent.

Vtinam illi vivas, qui te plasmavit,

Placida mente, famulantium dignis

Iungas consortiis, post expletis cursibus

Felix adsurgas.

65

Mens namque mea certe volvitur antris,

Hoc tamen ortor, ut paginas istius

Iam supra exaratas adsidue legas,

Fixas ad mentem.

Finiunt versiculi deo iuvante

70

Annis praeteritis octo bis deductis,

Incohans Decembris Andree sancti festa

Adventus verbi.