Carmine qui vacuas captavi saepius auras

Rumores vulgi quaerendo stultus inanes,

Adgrediar tandem veram de carmine laudem

Quaerere et aeternum mihi conciliare favorem,

5

Spectandos breviter signans actusque virosque

Atque dies anni reditu volvente per orbem,

Ordine quae lustrent scribens sollemnia quaeque.

Hic mihi nonnumquam sanctorum nomina leges

Carminis excedent, sed non mutilanda vocandi

10

Est censura bonos; veniam pietate merebor.