Post quem germanus praemitis regmina cellae

Sigwinus, alterius, sumpsit cognomine dictus.

Dapsilis hic nimium minimis magnisque per omnem

Exstiterat vitam; miseris largitur egenis;

5

Divitias tribuit, Dominus quas auxerat altus.

Viderat hunc quidam tetrae sub tempora noctis,

Vestibus insolitis indutum; tradere dona

Pauperibus miseris, nimium qui frigida membra

Exclusi portis calefacta illudere ponunt.

10

Cumque pius tribuit radiantis dona metalli,

Praecipit obsecrans summi per regna Tonantis,

Quatenus haec nulli cunctae per tempora vitae

Dicant; ast miseri testantur dicere nunquam,

Ex quo praesentis maneat sub tempore vitae.

15

Hoc cernens frater, tenebris cumulantibus arva

Delituit, fugiensque semel non talia putat

Esse semel, poterit quanquam iam cernere visus.

Cumque suis largus semper tribuisset amatis

Divitiae crescunt diversa in parte locorum,

20

Ac segetes spisso cumulantur germine cultae:

Ac pecus omnigenum, pastoris munere demptum,

In numero damnum gregibus desumere nescit.

Dum veneranda Dei sanctorum festa redirent

Classibus in geminis subter testudine templi

25

Fratribus immixtus Psalmorum concinat odas;

Dulcisona antiphonae modulantur carmina fusae.

Ast lector, melos voce articulata resultans,

Praedoctus biblis ad gaudia magna refundit.

Cumque die ducto missarum cantica complent,

30

Fratres concordi comitantur carmine patrem

Ad mensam; nullus poterit tum dicere digne

Quem studiose epulis cupiat sollemnia sancta,

Cum celebrare suis laetetur clerus in urbe,

Atque domum quatitans clamoso carmine complent.