Syrius est, Canem quod vulgus nuncupat, astrum;

Aestivi hinc soles dicuntur caniculares.

Que preter cunctas fulgoris spicula stellas

Emittens facibus terras exurit amans;

5

Afficit interdum squalenti corpora morbo,

Aera corrumpens fructus flagrando comesat,

Pernitie subita extinguens animantia queque,

Nuncque repentinum, nunc casum dat diuturnum,

Temperiem abstrusam tabent elementa per ipsam;

10

Aera percellens auram conspirat iniquam,

Morbidat, instigat, violat, necat, urit, obuncat.