Est cribrata cavis tellus ut spongia venis,

Dumque latebrarum Zephyrus pervaserit antra,

Circumquaque vagans et perflans illa furore,

Fit fremor et murmur per terre viscera ceca,

5

Querentemque dehinc aditum per concava ventum

Cum sufferre nequit, tremit aut erupta dehiscit

Tellus, huc illucque rotantem sive frementem

Erigat ut tremulo illum si<c> concussa fremore.

Ergo tremor terre vel clauso per cava vento

10

Nil scandente illinc, sed tantum concutiente

Vel scindente aliquid, fit quod casu inferiora

Inpellente tremor fitve unde motibus actis.

Fitque frequens illic, terrarum quo cava subsunt,

Per que transcurrens stridat, fremat Eolus errans.