O pater egregie, regali sanguine cretus,

      Partibus utrisque nobiliter genitus,

Consilio pollens, prudens domini ceu serpens

      In sacris scriptis carminibusque simul,

5

Simplicis ac retinens animum sine felle columbae,

      Elatis durus, mitibus atque humilis:

Fortis in adversis, sitis sed fortior, opto;

      Cernuus assidue hoc rogito famulus.

Incolumem dominus vos nunc conservet in aevum

10

      Ac tribuat vobis praemia luciflua.