Hoc recubat busto semper memorabilis abba

      Angilbertus ovans, spiritus astra colit.

Mensis Marti obiit bis senis ipse Kalendis;

      Construxit templum, quod retinet tumulum.

5

Et cluit Augusti Karoli sub tempore Magni,

      Dogmatibus clarus, principibus socius.

Ante fores templi iussit qui se tumulari;

      Ricbodo huc abba transtulit ac posuit

Post annos obitus bis denos eius et octo,

10

      Corpore cum nactus integer in solito est.