Tempus ab adventu domini currentibus annis

Bis quadringentis decies septem cumulatis

In primo ingressu Iunii cum staret in alto

Flammicomus centro sol, perspexi quoque caeli

5

Illius nimbum circa speciem rutilantem,

Iris enim ad formam spacium praegrande tenentem.

Vnde patres nostri coeperunt quaerere plures,

Quid talis vellet protendere circulus ille.

Sed quidam scioli trepidantes fingere falsa

10

Vnum hoc tantum memorabant se minimeque

Tale umquam spectasse suis oculis, nisi lunae

In specie, signat tempus quando pluviale.

Nuncque modo simili monstrat Tytanis et ipsa

Pro certo species, ceu compertum retinemus.

15

Post primam Iunii, revoluta aliaque die nam

Aethere stellifero coepit quam plurimus imber

Defluere mixto tonitru durisque lapillis

Iam loca per plura nimium sitientibus arvis.

Sic pri<ma ebdo>mada tota madefacta cucurrit

20

Cultoribus terrae magnum praestando iuvamen.

Ex hoc arvicoli laudes domino cecinerunt,

Qui inrigat arva sata, fecundat et ymbre superno.

Exin ebdomada Iunii mensisque secunda

Insolito tellus visa est concreta manere.