Hoc peplum fuerat Hludowici Caesaris olim,

Quod sua perfelix coniunx ornavit Ioda,

Vt sic indutus populis splendesceret heros.

Post quem dum Karolus suscepit regia sceptra

5

Et patris pallam Paulo sacravit honoro,

Hoc Yrmindrudis totum regina peregit. -

Hoc Karolus magnum veneratur munere Paulum

Pontificis summi Nicolai nomen honorans,

Vt miles Christi, quem totus praedicat orbis,

10

Pro se proque sua praeclara coniuge pugnet

Nec non amborum prolem serosque nepotes

Protegat et custos regalis stemmatis instet.